Chhattisgarh Rajpatra (asadharan) kramank 11 · 12 January 2026
Layer-II Town Development Scheme — aapki zameen isme hai kya?
NRANVP ki sabse badi aane wali scheme — 436.0152 hectare (~1,077 acre), Raipur aur Nava Raipur ke beech. Isme 105 free sale plot hain jinka kul kshetrafal 232.34 acre hai. Yojana anumodit ho chuki hai, par allotment abhi shuru nahi hua.
Abhi bikri shuru nahi hui hai. Ye page sirf jaankari ke liye hai — koi plot, koi rate aur koi booking abhi available nahi hai. Jaise hi NRANVP allotment nikaalega, hum apni enquiry list ko sabse pehle inform karenge.
436.02 ha
Kul yojana kshetra
105
Free sale plots
232.34 acre
Free sale area
6
Gaon shaamil
Kaunse gaon isme hain
In gaon ki zameen scheme me aati hai. Agar aapki zameen inme se kisi me hai, to aapko iska asar padega — chahe wo muavza ho ya developed plot.
Barauda
Tehsil Arang
Ramchandi
Tehsil Arang
Reiko
Tehsil Arang
Mandir Hasaud
Tehsil Arang
Serikhedi
Tehsil Raipur
Nakti
Tehsil Raipur
Layer-III alag scheme hai. NRANVP ne gram Ramchandi aur Barauda (tehsil Mandir Hasaud) ki 88.297 hectare bhoomi ke liye alag se sirf aashay ki ghoshna ki hai (Rajpatra kr. 248, 20 May 2026) — wo yojana abhi bani nahi hai aur usme koi free sale plot list nahi hai. Ye Layer-II wali antim anumodit yojana se poori tarah alag hai. Layer-III ka guide dekhein →
Sabse bade free sale plots
Gazette ki free sale list se — zyadatar plot “Free Sale Mixed Use” hain, kuch “Free Sale PSP” (A28, B32, B71, C50, D28, E282).
Official documents
Saare document NRANVP ki apni website par hain — hum sirf link de rahe hain, dobara type nahi kiya.
Aksar poochhe jaane wale sawaal
Layer-II TDS kya hai?
NRANVP ki ek Town Development Scheme jo Chhattisgarh Nagar Tatha Gram Nivesh Adhiniyam 1973 ki dhara 50(8) ke tehat antim roop se anumodit hui hai. Kul kshetra 436.0152 hectare (~1,077 acre) hai, aur ye Chhattisgarh Rajpatra (asadharan) kramank 11, dinank 12 January 2026 me prakashit hui hai.
Kya isme se plot abhi kharida ja sakta hai?
Nahi. Abhi sirf yojana anumodit hui hai. Free sale plots ki list gazette me hai (105 plot, 232.34 acre), par allotment shuru nahi hua hai. Developer selection ke liye RFP (26/TPS/EEC5/CE/NRANVP/2026-27, 2nd call) 22 July 2026 ko band ho chuki hai. Jab bhi allotment/sale shuru hoga, hum apne enquiry list ko sabse pehle batayenge.
Meri zameen in gaon me hai — mera kya hoga?
Town Development Scheme me aane wali zameen ka kuch hissa scheme me jaata hai aur badle me niyam ke anusar developed plot/ muavza milta hai. Gazette me saaf likha hai ki plot list bhu-swamitv (ownership) ka pramaan nahi hai — allotment aur kabza rajasv vibhag ke bhu-abhilekh satyapan ke baad hi hota hai. Apne khasra number ke saath humse sampark karein, hum official TDS map aur calculation list me check karke bata denge.
Developer model kya hai?
RFP ke work name ke anusar developer ko nakad bhugtan ke bajay 'Development Rights / Selling Rights of Mixed-Use Land' milenge — matlab developer scheme develop karega aur badle me mixed-use zameen bech sakega.
Saare aankde Chhattisgarh Rajpatra (asadharan) kramank 11, dinank 12 January 2026 — adhisoochna kramank LAND/93/2026-HOUSING (Prarup-XXVII) se hain. Gazette me saaf likha hai ki antim plot suchi bhu-swamitv ka satyapan nahi maani jayegi; aavantan evam kabza rajasv vibhag ke adyatan bhu-abhilekh satyapan ke baad hi hoga. Yojana ki pratiyan NRANVP, Sanyukt Sanchalak Nagar Tatha Gram Nivesh Raipur, evam Collector Raipur ke karyalayon me nirikshan hetu uplabdh hain.
Khasra number bhejiye
Barauda, Ramchandi, Reiko, Mandir Hasaud, Serikhedi ya Nakti me zameen hai? Khasra number ke saath enquiry bhejiye — hum official TDS map aur calculation list me check karke batayenge.
Enquiry bhejein